30-ти Март, 2021 – Новиот електричен модел на Kia - EV6 ги поместува границите на електричната подвижност и нуди долго патување, нула емисии, ултра-брзо полнење и карактеристичен стил на кросовер. EV6 е првиот автомобил на Kia кој се базира на новата E-GMP платформа на компанијата за електрични возила со батерии (BEV).
Овој пионерски модел лансиран во рамките на новата филозофија на дизајнот на Kia, прикажува EV-дизајн ориентиран кон иднината, карактеризиран со високотехнолошки детали. Се напојува исклучиво од електрична енергија, со избор на повеќе конфигурации на погонскиот систем. Истиот има способност за полнење со ултра брз систем, кој ја полни батеријата од 10 до 80% за само 18 минути. Моделот добива и GT верзија, направена за да ги инспирира клинтите со високи перформанси, со што EV6 може да забрза од 0 до 100 km/h за 3,5 секунди со максимална брзина до 260 km/h.
Со овој автомобил се формира првиот дел од новата ера за електрификација на гамата на Kia. Среднорочната стратегија предвидува електифицираните изведби да опфатат до 40% од вкупната продажба на Kia до 2030 година. Со цел да се оствари овој план Kia планира да ја зајакне својата постава со 11 нови комплетно електрични модели до 2026 година - седум изградени врз основа E-GMP платформата и четири верзии врз основа на постојните модели.
„EV6 е олицетворение на новата Kia. Роден е да го инспирира секое патување, преку смел дизајн, прогресивно инженерство, иновативни технологии и возбудливи електрични перформанси“, изјави Хо Сунг Сонг, претседател и извршен директор на Kia. „EV6 исто така претставува почеток на долгорочната посветеност на Kia за одржлива мобилност, забрзувајќи ја транзицијата не само кон чист транспорт, туку и производи, материјали и производство“.
Новиот дизајнерски јазик ги обединува спротивставените сили
EV6 е дизајниран според новата филозофија на дизајнот на брендот „Обединети спротивности“, што инспирира од контрастите пронајдени во природата и човештвото. Во центарот на дизајнерската филозофија е новиот визуелен идентитет што предизвикува позитивни сили и природна енергија, со контрастни комбинации на остри стилски елементи и скулпторски форми.
Карим Хабиб, потпретседател и раководител на глобалниот центар за дизајн на Киа, образложи: „EV6, како прв електричен модел на Kia, со својот прогресивен дизајн и електрифицирана моќ, посветен е на луѓето. Ние силно веруваме дека EV6 е привлечен и релевантен модел за новиот пазар на електрични автомобили. Со EV6 имавме за цел да создадеме карактеристичен, влијателен дизајн, а истовремено да имаме футуристички изглед со кој ќе се нагласат идните електични модели на компанијата“.
Дизајнирана да испорача нешто поразлично во класата на кросовер, GT верзијата на EV6 нуди препознатлив, влијателен екстериер со високотехнолошки карактеристики. На предната страна, „тигровиот нос“ е прилагоден за дигиталната ера.
Голема автономија, погон на сите тркала и нула емисии
EV6 им нуди на купувачите избор на повеќе целосно електрични конфигурации на погонски систем со батерии од 77,4 kWh кај верзијата со подолг опсег и 58,0 kWh кај стандардната изведба. Покрај разликите во капацитетот на батериите, EV6 се разликува и во погонот, каде се достапни погон на две или на сите тркала. Со посилната батерија автомобилот достигнува до 510 километри со едно полнење според WLTP тестирањата. Максималниот вртежен момент е 740 Nm, а истиот му дозволува на моделот да забрза од 0 до 100 km/h за само 5,2 секунди. Пакетот батерии од 77,4 kWh е поврзан со електричен мотор од 168 kW (229 коњски сили) кој ги напојува задните тркала, а за моделите AWD имаат два електрични мотори, напојувајќи ги предната и задната оска, кои произведуваат вкупно 239kW (325 коњски сили).
Изведбата со помалата батерија од 58,0 kWh е со максимален вртежен момент од 605 Nm и може да се забрза од 0 до 100 km/h за 6,2 секунди. Кај погонот на две тркала е поврзан електричен мотор од 125 kW кој ги напојува задните тркала, а кај AWD моделите електичниот моотр е со 173kW (235 коњски сили).
ЕV6 ќе се произведува во Јужна Кореја. Истиот ќе се најде во продажба на одбрани глобални пазари почнувајќи од втората половина на 2021 година, со резервации преку интернет кои започнуваат од 30 март на поголемите пазари.
EV6 Спецификации:
Димензии | ||||||
Eвропски модел | EV6 | EV6 GT-line | EV6 GT | |||
Меѓуоскино растојание | 2,900 mm | |||||
Должина | 4,680 mm | 4,695 mm | ||||
Ширина | 1,880 mm | 1,890 mm | ||||
Висина | 1,550 mm | 1,545 mm | ||||
Капацитет на багажен простор | ||||||
Багажен простор | 520 L 1300 L (со преклопени седишта) | |||||
Преден багажен простор | 52 L (2WD) or 20 L (AWD) | |||||
Перформанси | ||||||
Платформа | Electric-Global Modular Platform | |||||
EV6
GT-line |
Батерија 77.4-kWh | AWD | Моќ | 239-kW (Предна и задна оска) | ||
Вртежен момент | 605-Nm (Предна и задна оска) | |||||
2WD | Моќ | 168-kW Задна оска | ||||
Вртежен момент | 350-Nm Задна оска | |||||
Батерија 58.0-kWh | AWD | Моќ | 173 kW (Предна и задна оска) | |||
Вртежен момент | 605 Nm (Предна и задна оска) | |||||
2WD | Моќ | 125 kW Задна оска | ||||
Вртежен момент | 350 Nm Задна оска | |||||
EV6 GT | Батерија 77.4-kWh | AWD | Моќ | 430 Kw (Предна и задна оска) | ||
Вртежен момент | 740 Nm (Предна и задна оска) | |||||
Предности | ||||||
Полнење | 400 V и 800 V (без дополнителни адаптери) | |||||
Ултра брзо полнење | 10 % до 80 % за 18 минути 100 km автономија (WLTP) за 4.5 минути полнење |